Ai 21 di Avrîl scree de taronde di vie Pozzuolo

Rivâts insom i lavôrs par fâ sù la gnove taronde di vie Pozzuolo, martars ai 21 di Avrîl a nûf di buinore (9.00), si à la scree uficiâl de opare. La taronde si cjate alì de crosere tra lis viis Pozzuolo, Della Valle, Perusini e San Paolo. Ae cerimonie a partecipin la presidente de Regjon Debora Serracchiani, il sindic Furio Honsell, la assessore regjonâl pes infrastruturis Mariagrazia Santoro, l’assessôr comunâl pe mobiltât Enrico Pizza e la conseiere delegade di cuartîr Eleonora Meloni. La opare, che e je costade 550 mil euros, e je stade finanziade de Regjon.