Iniziativis dal servizi didatic dai Museus Civics

A tornin ancje cheste setemane lis iniziativis dal servizi didatic dai Museus Civics. Sabide ai 25 di Avrîl la pinacoteche dal cjastiel e proponarà une visite vuidade dedicade a “Il sangue di Cristo” (1496) di Vittore Carpaccio, un dai tocs plui impuartants dai museus. Il cost de visite al è di 5 euros a persone plui il presit de jentrade al museu. Sabide ai 25 e domenie ai 26 di Avrîl a undis di matine (11.00) a son in program, simpri in Cjistiel, des visitis vuidadadis ae colezion permanente dal Museu Archeologjic. A Cjase Cavazzini invezit i protagoniscj ta cheste fin di setemane a son i fruts cui laboratoris dedicâts ae mostre “Un’idea di pittura”. Il prin laboratori, pensât pai fruts dai 4 ai 6 agns, si tignarà sabide ai 25 di Avrîl a trê dopodimisdì (15.00), intant che il secont, dedicât ai fruts dai 7 ai 12 agns, al è in program la dì dopo simpri ae stesse ore. Il cost dai laboratoris al è di 8 euros parom. Par dutis lis iniziativis bisugne notâsi dentri di joibe ai 23 di Avrîl telefonant al numar 0432-414749 o scrivint ae direzion di pueste eletroniche didatticamusei@comune.udine.it .