Bant par partecipâ ae Zornade mondiâl dal zûc

Al mancje pôc aromai pe Zornade mondiâl dal zûc promovude de Associazion internazionâl des ludotechis e, ancje chest an, il Comun di Udin al cîr colaborazions par proponi ativitâts ludichis par ducj i citadins, a tacâ di chei plui piçui. Sul sît dal Comun al è fûr il bant indreçât a sogjets publics e privâts che a vuelin inmaneâ incuintris, laboratoris, esposizions, proiezions, animazions, propuestis ludichis – sportivis e altris ativitâts che a vedin il zûc tant che ispirazion. Ducj i interessâts a àn di inviâ ae Aministrazion comunâl il modul di partecipazion dentri dai 30 di Avrîl. Il bant e i modui si ju cjate sul sît www.comune.udine.it. Par vê informazions plui in detai si pues contatâ l’ufici Ludobus al 0432 271687 / 271677 o ben aes direzions ludoteca@comune.udine.it e paolo.munini@comune.udine.it. O ricuardìn che chest an l’apontament al è in program sabide ai 6 di Jugn.