Viertis lis iscrizions pes gnovis propuestis dal PIG

A son viertis lis iscrizions pes gnovis propuestis dal centri Punto incontro giovani che al ufrìs a fantats tra i 16 e i 22 agns residents a Udin cuatri percors par scuvierzi i mistîrs e lis tecnichis dal artesanât locâl e cjapâ sù cussì esperiencis di podê dopo spindi intal mont dal lavôr. Il prin apontament al è in program martars ai 28 di Avrîl a trê dopodimisdì (15.00) cul percors dedicât ae cusine e ae enogastronomie, metût adun in colaborazion cu la Confartesanât di Udin. Tes setemanis seguitivis invezit si passarà a grafiche, design e mode. Par informazions plui in detai si pues clamâ il numar 340 3162294, scrivi ae direzion di pueste puntoincontrogiovani@libero.it o dâ un cuc ae pagjine facebook Pig Cag.