Passe 1.500 puescj disponibii tai centris estîfs comunâi

A son passe 1.500, dividûts in 8 sîts e in 5 turnis, i puescj disponibii chest an intai centris ricreatîfs estîfs comunâi, in program dai 15 di Jugn ai 21 di Avost. Lis iscrizions a podaran jessi prenotadis dai 4 ai 6 di Mai pai residents in comun di Udin e dai 5 ai 6 di Mai par cui che al è a stâ intun altri comun telefonant al numar vert 800 955154 cun orari continuât di vot di buinore a siet sot sere (8.00 – 19.00). Dopo de prenotazion lis fameis a ricevaran une letare cu lis indicazions pal apontament che al covente par definî la iscrizion e par paiâ e che si davuelzarà tra i 3 e i 9 di Jugn. Une volte finide la procedure di conferme des iscrizions, i puescj che a vessin di restâ libars a saran metûts a disposizion dai 16 di Jugn ai 22 di Lui. Dai 8 centris ricreatîfs estîfs 3 a son pai frutins dai 3 ai 6 agns (620 puescj disponibii) e 5 pai fruts tra i 6 e i 11 agns (915 puescj disponibii). Rispiet al an passât i coscj di iscrizion e i sconts a son restâts chei stes. Par altris informazions si pues contatâ l’ufici comunâl pai progjets educatîfs dai 3 ai 14 agns in viâl Ungheria 15 (tel. 0432 271743-739-714-790 / mail: progetti.educativi@comune.udine.it).