Ai 28 di Avrîl la cunvigne “Udine Greenways”

E je in program doman, martars ai 28 di Avrîl, a dôs e mieze dopodimisdì (14.30) a palaç Florio la cunvigne “Udine Greenways – Impresis e istituzions adun pal teritori”, inmaneade dal Comun e de Universitât dal Friûl. Il progjet Udine Greenways, ricognossût a nivel talian come miôr progjet di guvier di imprese si vierç cussì al so teritori di riferiment e in particolâr aes impresis. Nassût par creâ une rêt teritoriâl in stât di peâ e valorizâ il paisaç, lis realtâts naturâls, culturâls e economichis dal Sisteme Urban Udinês il plan al à realizât un sît par scuvierzi i percors naturalistics e une rêt ciclopedonâl sorecomunâl. La iniziative e à cjapât dentri n plui dal Comun di Udin chei di Cjampfuarmit, Martignâ, Murùs, Pasian di Prât, Paulêt, Puçui, Tavagnà e Tresesin. Inte cunvigne a saran analizadis in particolâr lis prospetivis di svilup de iniziative.