“Festa delle storie” al parc Brun di viâl Vat

Fieste finâl “delle storie” doman, miercus 29 di Avrîl, al parc Brun di viâl Vat. Si sierin cussì i apontaments pai fruts di “L’ ora delle storie”, lis ativitâts di “Tanti libri” e la iniziative “Leggimì, Leggimè” inmaneâts de sezion “Ragazzi” de biblioteche comunâl “Joppi” in colaborazion cui volontaris dal Club “Tileggouna storia” e de associazion culturâl “San Lazzaro”. A son stâts plui di 1400 oi fruts cjapâts dentri des iniziativis dal mês di Otubar a in di di vuê. La fieste, che e sarà dedicade ai 40 agns di “Kamillo Kromo”, il personaç di Altan, e previôt un program di contis pai fruts dai 18 ai 36 mês, dai 3 a i 5 agns e dai 5 ai 8 agns. Ma ancje il laboratori creatîf “arcobaleno” e lis magjiis dal mâc Deda prime de leture di “Kamillo Kromo e il gioco delle bolle”. Intal parc e sarà presinte ancje la librarie Giunti cuntun pont vendite dedicât ae leture pe infanzie. In câs di brut timp la fieste e sarà sprolungjade ai 6 di Mai.