Udin tra lis citâts cu la fiscalitât plui basse pes PMI

Udin e je la cuarte citât dal stât talian dulà che al è plui bas il pês complessîf de fiscalitât a caric des impresis piçulis e mezanis. Il dât al salte fûr dal Studi 2015 dal Osservatori de CNA. Su lis 113 citâts cjapadis dentri de ricercje Udin si cjate al cuart puest cul 55,7% di pês complessîf de fiscalitât a caric des PMI daspò di Cuneo, Gurize, Sondrio e Belum. Cundut di un sbassâsi continuatîf des jentradis – e comente la assessore pal belanç Cinzia Del Torre – o puartìn indenant di timp un lavôr par cjatâ percors simpri plui eficients in teme di sparagn, cence incressi lis tassis. Chest ricognossiment de CNA al è la testemoneance di cemût che o vin mantignût fin cumò l’impegn di no aumentâ la tassazion.