Gnot Zale e Prin di Mai, autoparcs vierts plui a dilunc

L’assessorât pe mobilitât dal Comun di Udin al vise che, in gracie de disponibilitât de societât SSM, joibe ai 30 di Avrîl, in ocasion de Gnot Zale, l’orari di viertidure dai parcs machine in struture si slungje. Plui in detai, ducj i autoparcs citadins a restin vierts a paiament fintremai la une di gnot, cu la pussibilitât pes machinis di lâ fûr 24 oris su 24. La dì dopo, pe fieste dal Prin di Mai, si previôt invezit la acessibilitât sore nuie ai autoparcs Caccia, Moretti e Venerio.