Trê incuintris dal PIG su la musiche

Lunis ai 4 di Mai si invie il cicli di trê incuintris su la musiche inmaneât dal Punto Incontro Giovani e indreçât ai fruts/fantacins tra i 10 e i 14 agns. Il prin apontament al è dedicât ae batarie e al bas e si davuelç alì de sede dal PIG ai 4 di Mai di dôs a cuatri dopodimisdì (14.00 – 16.00). Vinars ai 14 di Mai, di trê a cinc dopodimisdì (15.00 – 17.00), il strument al centri de lezion al è la sunete, intant che l’incuintri di lunis ai 18 di Mai, di dôs a cuatri dopodimisdì (14.00 – 16.00), al sarà dedicât ae improvisazion musicâl. Par informazions si pues scrivi a puntoincontrogiovani@libero.it o telefonâ al 340 3162294.