Premiâts i vincidôrs di “Con rispetto parlando”

Prin premi ae IA de scuele secondarie di prin grât Marconi, secont ae IC de Ellero e tierç ae IE de Manzoni. A son i ricognossiments assegnâts ai 5 di Mai alì dal teatri San Giorgio inte suaze di “Con rispetto parlando”, il progjet trienâl imbastît dal Comun di Udin in cunvigne cu la Comission pe paritât e pensât par sensibilizâ su la prevenzion de violence e sul rispiet des diferencis di gjenar. La iniziative e previodeve che ogni classe in concors e presentàs un elaborât di publicâ po suntune pagjine Facebook di pueste che, in nancje un mês, e à vût passe 42 mil visitis.