Ai 18 di Mai si scree “Mosaicamente” dedicade a Guttuso

E je dedicade a Renato Guttuso la gnove edizion di “Mosaicamente” che si scree vinars ai 8 di Mai a sîs sot sere (18.00) alì de Cjase de Fradaie su la culine dal Cjistiel. La mostre e propon mosaics di vincj oparis dal grant artist talian che a son stâts fats dai utents de Officina dell’arte, il centri lavoratîf regjonâl par personis cun autisim. L’omaç a Guttuso al è stât inmaneât de fondazion Bambini e di Autismo Onlus adun cul Comun di Udin, cul Dipartiment di storie e di tutele dai bens culturâi de Universitât dal Friûl, dal liceu artistic Sello e de associazion di volontariât “Noi uniti per l’autismo Onlus”. In ocasion de scree si varà ancje une conversazion su la art di Guttuso tignude dal professôr Alessandro del Puppo. La mostre si podarà viodile fin ai 31 di Mai, il vinars di cuatri dopodimisdì a siet sot sere (16.00 – 19.00), la sabide e la domenie di dîs e mieze di matine a misdì e mieç e di cinc fin siet sot sere (10.30 – 12.30 e 17.00 – 19.00). Intant des visitis si varà la pussibilitât di jessi compagnâts des spiegazions su la mostre e su la opare di Guttuso dai students dal Sello.