Cjase Cavazzini “palestre” lavorative par students

Cjase Cavazzini e devente une palestre par students impegnâts a meti in vore lis cognossincis cjapadis sù a scuele. Dai 9 ai 31 di Mai, la sabide e la domenie di dîs di matine a siet sot sere (10.00 – 19.00), vot arlêfs dal liceu classic european associât al educandât Uccellis a saran a disposizion di cui che al vûl visitâ il museu par compagnâlu intune visite vuidade gratuite dilunc vie dal percors espositîf. La iniziative si insuaze intal progjet “Alternanza scuola-lavoro” che al à chê di meti a bon pro lis competencis scolastichis cun ativitâts in cjamp lavoratîf.