Intervents di sigurece stradâl par 300 mil euros

La Zonte comunâl e à fat bon il progjet preliminâr par un pôcs di intervents di sigurece stradâl. Si trate di lavôrs che a àn une disponibilitât complessive di 300 mil euros. Plui in detai si previôt di tornâ a asfaltâ e meti in sigurece vie Frossi, vie Gorizia de crosere cun vie Caccia a plaçâl Del Din, vie S. Daniele di vie Sacile a plaçâl Diacono e viâl Ledra di plaçâl Cavedalis a vie Mentana. A chescj intervents si ‘ndi zontin altris di manutenzion straordenarie. “Dopo agns di criùre par vie dal pat di stabilitât – al comente l’assessôr pe mobilitât Enrico Pizza – la Aministrazion e à rivât a fâ partî diviers lavôrs che i citadins a spietavin za di timp”.