Lunis si presente la Zornade cuintri de omofobie

Ai 17 di Mai e cole la Zornade internazionâl cuintri de omofobie e de transfobie che chest an, pe prime volte, ancje il Comun di Udin al ricuarde cuntun calendari siôr di iniziativis metudis adun cu la Comission pe paritât e lis associazions za impegnadis su chestis tematichis. Apontaments e protagoniscj dal event a saran presentâts intant di une conference stampe in program lunis ai 11 di Mai a misdì e mieç alì dal Salon dal Popul a palaç D’Aronco. Ae conference stampe a parteciparan il sindic Furio Honsell, la assessore Cinzia Del Torre, la presidente de Comission comunâl pe paritât Sara Rosso, e i rapresentants des associazions lgbt cjapadis dentri te iniziative.