Spazi di lavôr condividût alì dal Parc Sientific e Tecnologjic

A cinc dopodimisdì (17.00) di vinars ai 15 di Mai il sindic Furio Honsell e l’assessôr pe inovazion Gabriele Giacomini a saran alì dal Parc Sientific e Tecnologjic Danieli par screâ il gnûf spazi di lavôr condividût dedicât ai libars professioniscj di chenti che no àn la pussibilitât di vê un studi dut par lôr o par chei che a rivin di fûr e a àn bisugne di un lûc di lavôr dome par pôc timp. Par cumò il gnûf spazi viert di lavôr al met a disposizion vot postazions.