“Pagella non solo Rock” ai 15 e ai 16 di Mai

Sîs grups musicâi, trê DJ sets e trê MCs par une dople serade dedicade ae musiche e al divertiment. Si presente cussì la edizion numar 17 di “Pagella non solo Rock”, il concors musicâl par grups zovins furlans che vinars ai 15 e sabide ai 16 di Mai i darà vite, di cinc dopodimisdì (17.00) indenant, place Venerio. L’event, che cun chest an si vierç ancje ae musiche eletroniche, al hip-hop e al freestyle, al è inmaneâts des Officine Giovani dal Comun di Udin e al è gjestît de cooperative sociâl Aracon cu la partecipazion de Consulte provinciâl dai students. La rassegne e proponarà la esibizion dai sîs grups finaliscj (Broken Chime, Wildest Time, The Sparçs, Inner Sense, Deep Human Device, The Gangsters) che si contindaran doi dai trê premis assegnâts di une jurie di esperts e dal public. Il tierç premi al larà a un tra i DJs (Andrea Lizzio, Bissus, Dabit) e i MCs (Djbril, Fra & Mr. Mike) in concors.