Ae scuvierte des roiis di Sant Svualt cul UOEI

Al torne cuntun gnûf apontament “EScursioni/INcursioni in città”, il program di cjaminadis inmaneât de sezion udinese dal UOEI cu la colaborazion dal Comun. Domenie ai 24 di Mai, cun partence a nûf di buinore (9.00) di li dal Museu Etnografic, si larà a scuvierzi lis roiis di Sant Svualt. La visite e je curade di Michela Bonan. Par resons organizativis si domande a cui che al vûl partecipâ di visâ scrivint ae direzion di pueste eletroniche uoei.udine@gmail.com o ben cuntune telefonade al 0432 295663.