Si siere “Riccardo, l’ eco… il ricordo, la memoria”

Si siere cheste fin di setemane, cun doi apontaments, la rassegne cinematografiche “Riccardo, l’ eco… il ricordo, la memoria” dedicade a Riccardo Giusto, il prin talian muart inte Grande Vuere, ai 24 di Mai di cent agns indaûr. A vierzi la seconde part de rassegne e sarà sabide ai 23 di Mai a 20.30 inte sale polifunzionâl di vie Veneto 164 a Cussignà, la proiezion dal film “Joyeux Noël.Una verità dimenticata dalla storia”. La rassegne si sierarà domenie, ai 24 di Mai, a 18 intal auditorium Bellavitis, in vie XXV Aprile, cun “Gli anni spezzati”, un film australian dal 1981. Pe ocasion la biblioteche civiche “Joppi” e metarà a disposizion dal public une ricercje bibliografiche sul teme. La jentrade a dutis lis proiezion e je sore nuie.