A son daûr a rivâ i boletins za compilâts pe Tasi

A tacâ di cheste setemane fintremai ae fin dal mês il Comun al mandarà tes cjasis di ducj i contribuents i boletins di viersament dal acont pe Tasi, in scjadince ai 16 di Jugn. I citadins si ricjataran il model F24 semplificât za compilât pal paiament adun cu la sintesi de impueste calcolade ae fonde dai dâts rilevâts dai archivis comunâi. Prime di fâ il viersament i citadins a son invidâts a verificâ la completece e coretece dai dâts e di segnalâ eventuâi erôrs ai uficis ICI, IMU, TASI di Vie Stringher 12 o clamant al numar 0432.271856. La aministrazion comunâl a fâs ancje savê che a costituissin ogjet di tassazion Tasi dome lis abitazions principâls e la pertinence par ogni categorie catasticâl. Il possès di une seconde pertinence al varâ di jessi zontât ae Imu.