Doi gnûfs apontaments par “Bicimaggio”

A van indenant i apontaments di “Bicimaggio”. Joibe ai 28 di Mai, a vot di sere (20.00) inte cort di palaç Morpurgo si varà l’intervent di Mario Canciani – alergolic, pneumolic e pediatre – che al frontarà il teme “L’inquinamento atmosferico e la nostra salute: cosa sappiamo e cosa possiamo fare”. La zornade dopo, vinars ai 29 di Mai, simpri inte cort di palaç Morpurgo ma a sîs sot sere (18.00), si varà l’incuintri “Lo sport al femminile” dedicât ae paritât di oportunitâts intal sport e coordenât de gjornaliste sportive Silvia De Michielis. Tra i ospits dal apontament la nadadore olimpiche Erica Buratto, la atlete de associazion sportive disabii “Basket e non solo” Rosanna Menazzi, e lis ciclistis Laura Messina e Tamara Versolatto. Se al ves di plovi, i incuintris si davuelzaran intal salon al prin plan di palaç Morpurgo.