Tacâts i lavôrs di decorazion de façade di Cjase Cavazzini

Si clame “Visioni Urbane” il gnûf progjet dal Comun di Udin, finanziât de Regjon, par valorizâ e decorâ dai lûcs de citât lassant spazi ae creativitât urbane. Par dute la setemane la citât e darà acet a cinc artiscj internazionâls che a saran impegnâts te creazion di oparis artistichis urbanis ma ancje in lavôrs su tele e cjarte, destinâts a insiorâ la colezion dal museu d Art Moderne e Contemporanee di Cjase Cavazzini. A tacâ di martars ai 26 duncje i artiscj selezionâts a si cjatin impegnâts a piturâ dal vîf dai panei in pvc fissâts su la façade esterne di Vie Savorgnana. Lis oparis a restaran tant che parêts difûr dal Museu par i prossims trê mês.