Sucès di public pe App “UdineVicina”

Passe un miâr di instalazions, cuntune medie di 92 discjariaments cuotidians di Google play e buinis recensions de bande dai utents. No son nancje dôs setemanis che e je partide ma la aplicazion “UdineVicina” e je partide pardabon cul pît just e – cemût che al ricuarde l’assessôr comunâl pe inovazion, Gabriele Giacomini – e il so sucès al varès di slargjâsi ancjemò dal moment che ca di cualchi zornade e sarà disponibile ancje su App Store te version par iPhone. “UdineVicina” – prontade di infoFactory, spinoff de Universitât di Udin, cul contribût dal Servizi sistemis informatîfs e telematics dal Comun – e met a disposizion cetancj servizis e informazions: dai oraris dai bus ai avîs sul trafic, dai events in program aes gnovis, dai lûcs di visitâ ai puescj machine disponibii e v.i.