Ativade une “bancje dal timp” alì dal Centri PIG

Un servizi, indreçât a grancj e fantats, par scambiâsi servizis e cognossincis, par meti in contat lis personis e par risolvi lis piçulis dibisugnis di ogni dì. Al è l’intindiment de gnove iniziative de Agenzia Giovani dal Comun di Udin che si invie cul mês di Jugn. Une sorte di “bancje dal timp” pensade par dâsi une man intal viodi dal zardin, tal doprâ il computer, tal fâ comissions cuotidianis o par recupar scolastic. Il servizi al è atîf alì dal Punto Incontro Giovani di viâl Forze Armate e par savênt di plui si pues scrivi a puntoincontrogiovani@gmail.com o telefonâ al 3403162294.