Ultime riunion dal Consei comunâl dai fruts

Cul sierâsi dal an scolastic e rive insom ancje la esperience dal Consei comunâl dai fruts e dai fantats che al met adun 27 students des scuelis primariis e secondariis di Udin tra i 9 e i 14 agns. La ultime riunion e je in program lunis ai 8 di Jugn a dôs dopodimisdì (14.00) in sale Ajace cu la partecipazion ancje dal sindic Furio Honsell e de assessore pe educazion, pal sport e pai stîi di vite, Raffaella Basana. I rapresentants dal Consei ur presentaran cussì i risultâts dai lavôrs fats vie pal an. Ospits de iniziative a saran ancje un pôcs dai fruts dai doposcuele comunâi.