Laboratoris e visitis didatichis dai Museus Civics

A tornin ancje cheste setemane lis iniziativis dal servizi didatic dai Museus Civics. Joibe ai 11 di Jugn a cuatri e mieze dopodimisdì (16.30) la Pinacoteche dal Cjistiel i darà acet a “Atelier di disegno e pittura in Castello”, un laboratori par fruts dai 6 ai 11 agns che ur darà la pussibilitât di imparâ e di sperimentâ diviersis tecnichis pitorichis. La iniziative si sviluparà su cuatri incuintris di dôs oris ognidun. Il cost dal laboratori al è di 8 euros. La stesse zornade, a sîs sot sere (18.00), e je in program la visite vuidade “La città nascosta”, un percors pes viis de citât par scuvierzi la Udin de Ete di Mieç. Il cost de visite al è di 6 euros. Par dutis dôs lis iniziativis la prenotazion e je obligatorie: par notâsi baste scrivi a didatticamusei@comune.udine.it dentri dai 10 di Jugn. Bici e culture a van invezit in cubie te iniziative “Scoprire Udine su due ruote”, un zîr in biciclete pes stradis de citât compagnâts di doi operadôrs dal Museu Archeologjic. Pal partecipâ al apontament, in program vinars ai 12 di Jugn a sîs sot sere (18.00), al covente prenotâ dentri dai 11 di Jugn ( didatticamusei@comune.udine.it ). Il cost al è di 6 euros parom. Par che la visite si davuelzi a coventin almancul dîs personis.