Pierenrico Scalettaris nomenât gnûf assessôr comunâl

E je stade formalizade vuê, martars ai 9 di Jugn, la nomine tant che assessôr pai lavôrs publics di Pierenrico Scalettaris, za president dal grup dal PD in Consei comunâl ta cheste prime part dal mandât. “O vin spietât prime di nomenâ il decim assessôr, dopo des dimissions dal vicesindic Agostino Maio – al à spiegât il sindic Furio Honsell – parcè che i vincui dal pat di stabilitât di fat a blocavin lis pussibilitât pal Comun di inviâ oparis publichis. Cun chest an, invezit, in gracie di gnûfs mutuis si rivarà a inviâ intervents impuartants e al devente duncje sante scugne vê un assessôr che al viodi di un setôr cussì centrâl pal avignî de citât”. Tra lis oparis che al sarà clamât a gjestî, in plui des manutenzions dai edificis publics, a son i lavôrs leâts al PISUS, il colegament cul Cjistiel, i intervents alì de biblioteche e lis oparis za inviadis tant che l’autoparc di Zardin Grant, il stadi e l’ex macel.