Preiscrizions in rêt ai servizis scolastics

Chest an, pe prime volte, i citadins dal Comun a puedin pre iscrivi in rêt i fîs ai servizis ufierts de aministrazion comunâl intes scuelis. Lis preiscrizions a son viertis di îr, miercus ai 10 di Jugn e a restaran viertis fin ai 7 di Avost. Al è pussibil preiscrivi i fruts ai servizis di ristorazion scolastiche intes scuelis de infanzie, primariis e secondariis di prin grât, al doposcuele e al pre e post acet intes scuelis primariis. Pai citadins che no àn la pussibilitât di fâ la iscrizion in rêt di cjase il Comun al à metût a disposizion dai ordenadôrs intai uficis dai Servizis educatîfs in viâl Ungheria 15. Par doprâ chest servizi bisugne cjapâ un apontament clamant i numars 0432 271444 / 271717 / 271903.