Al vie il Progjet sperimentâl “Ambito Estate 2015”

Al vie dai 29 di Jugn ai 31 di Lui e dai 31 di Avost ai 11 di Setembar al progjet “Ambito Estate 2015”. Si trate di un servizi sperimentâl realizât dal Ambit soci assistenziâl 4.5 dal Udinês in colaborazion cu la aministrazion comunâl e cui istitûts comprensîfs 3,4 e 6 de citât viert ai fruts dai 6 ai 11 agns, che al à l’ obietîf di sotignî lis fameis, favorî lis relazions educativis e sociâls e judà i fruts a fa i compits. Il servizi, afidât ae Cooperative Universiis, al sarà ativât intes scuelis primaris Dante, Zardini e Friz cun 45 puescj disponibii in ogni scuele. Il progjet al sarà operatîf dutis lis matinis dal lunis al vinars cun jentrade tra lis 8 e lis 8.30 e jessude a 12.30.