Scree ai 12 di Jugn par “Casa Città. Il Novecento”

Si invie vinars ai 12 di Jugn a siet di sere (19.00) a palaç Morpurgo la mostre “Casa Città. Il Novecento”, esposizion curade dal assessorât de planificazion teritoriâl par presentâ al public i risultâts de variante numar 5 al Plan Regoladôr Gjenerâl Comunâl. La mostre e je la ocasion par scuvierzi i palaçs e lis architeturis udinesis dal ‘900, dispès pôc cognossudis de ints. Intant de durade de esposizion a saran inmaneadis ancje diviersis visitis vuidadis dedicadis aes oparis dai singui architets, aes impresis costrutoris, a edificis publics, industriâi e rurâi, al dopovuere e ai ambits urbans. La esposizion e sarà vierte fintremai i 31 di Lui e si podarà viodile dal martars al vinars di dîs di matine a misdì (10.00 – 12.00) e di miercus, di vinars e di sabide ancje il dopodimisdì di cuatri fin sîs (16.00 – 18.00).