Gnove promozion de ufierte dai Museus Civics

Vuê i Museus Civics dal Comun di Udin, la Coop Consumadôrs Nordest e la cooperative Altreforme a àn presentât i contignûts di une convenzione dedicade ai socis de Coop par acedi ai servizis e ae ufierte culturâl dai centris museâi de citât. Par lôr i museus a fasaran un presit scontât sui biliets par viodi lis colezions permanentis e lis mostris temporaniis, un scont dal 10% su lis cards museâls e su lis publicazions editadis dai Museus Civics e altris facilitazions. Ta cheste maniere la rêt musâl de citât e podarà fâ stât suntun bacin di visitadôrs potenziâi une vore grant, baste pensâ che in Friûl – Vignesie Julie e tes regjons dongje la Coop Consumadôrs Nordest e à uns 220 mil socis. Tal acuardi e je dentri ancje la cooperative Altreforme che e varà di progjetâ, inmaneâ e coordenâ lis iniziativis didatichis e i servizis indreçâts ai destinataris de convenzion.