Sabide cunvigne sui anzians inmaneade dal Comun

Sabide ai 20 di Jugn in sale Ajace si ten “Lasciatemi invecchiare con amore”, la prime zornade di studis sui anzians inmaneade dal assessorât pe salût dal Comun di Udin. “Si trate – e spieghe la assessore pe salût e pe ecuitât sociâl, Simona Liguori – di une zornade di riflessions par otimizâ la rêt tra lis istituzions che a viodin des personis indenant cui agns”. La session de buinore, che si invie a vote e mieze (8.30), si vierzarà cuntun ricognossiment ae cjantante furlane Barbara Errico che di agns e je impegnade intal mont dal volontariât. La seconde part de cunvigne e tache invezit tor une dopodimisdì (13.00). Par resons organizativis par partecipâ al covente notâsi prime par mieç dal sît www.depratocongressi.it.