Al PIG doi apontaments dedicâts a fantats e dipendencis

La Agjenzie Zovins dal Comun di Udin e inmanee doi apontaments dedicâts al teme dai fantats e des dipendencis. Il prin incuintri, che al à par titul “Non parliamo di cibo. Parliamo di te” si davuelzarà lunis ai 22 di Jugn a sîs sot sere (18.00) e al frontarà il teme de alimentazion e dal rapuart cul propri cuarp. Il secont, in program lunis ai 6 di Lui simpri a sîs sot sere (18.00) al fevelarà invezit di alcul e des dipendencis che i son leadis. Ducj i doi apontaments si tignaran alì dal Punto Incontro Giovani di viâl Forze Armate 6. Par iscrivisi o par vê plui informazions si pues scrivi ae direzion puntoincontrogiovani@gmail.com o telefonâ al 340 3162294.