Cui 30 di Jugn si invie “Burattini senza confini”

E je pronte par partî la edizion 2015 di “Burattini senza confini” che e propon cinc spetacui a torzeon pai cuartîrs de citât in program de fin di Jugn al mês di Avost. Si tache martars ai 30 di Jugn inte aree verde Peter Pan (vie Di Brazzà) cul spetacul di Alberto De Bastiani “Nel Teatro di Mangiafuoco”. Il secont apontament al è in program martars ai 14 di Lui in place Giovanni XXIII a Cussignà cun “Sirqus”. Martars ai 28 di Lui i tocje al “Circo Tre Dita” di Alberto De Bastiani e Pier Paolo Di Giusto, in program inte aree verde di vie San Paolo. Doi i apontaments ancje vie pal mês di Avost. Martars ai 11 inte aree verde Marcello d’Olivo (tra viâl Afro e vie XXV Aprile) si varà il spetacul “Arriva il conte Von Tok” cun Dario Ziza, intant che martars ai 25 intal parc urban Ardito Desio (vie Val d’Arzino) il grup dai 4 Elementi al metarà in sene “A ruota libera”. Ducj i spetacui a scomencin a sîs sot sere (18.00) e a son a jentrade libare. Par savê alc di plui si pues contatâ il Puntoinforma di vie Savorgnane 12 (0432 1273717) o dâ un cuc al sît www.comune.udine.it.