Presentât il program di UdinEstate

Dopo de anteprime di apontaments dal mês di Jugn, cul prin di Lui si vierç uficialmentri il calendari di iniziativis de edizion 2015 di UdinEstate, il cartelon inmaneât dal Comun di Udin cul contribût de Regjon e de Bancje Popolâr di Vicence. Impussibil presentâ achì ducj i 150 apontaments de edizion di chest an che si puedin però cjatâ sul sît internet www.comune.udine.it . A ‘nd è par ducj i guscj: teatri al viert, visitis vuidadis, documentaris, incuintris, mostris, concierts e apontaments dedicâts ae storie e ae culture locâl. Intal cartelon a son dentri ancje diviersis rassegnis: dal Festival dai artiscj di strade ae rassegne “Burattini senza confini”, dai concierts di “Udin&Jazz£ e di “Folkest” ae Gnot Balancje, di “Armonie in corte” a “UdinEstate Bambini”, cence dismenteâ “Visioni Urbane”, il spazi di sperimentazion pai lengaçs zovanî. Tra i events che a segnaran cheste edizion si à po “Le stagioni della memoria” leât ai 100 agns de prime vuere mondiâl. No mancjaran nancje i apontaments ator pai cuartîrs de citât cul program di “OVUNQU(è)Estate”. Par plui informazions si pues ancje contatâ il PuntoInforma al 0432 414717.