Al vie miercus ai 8 di Lui “CINEinCITTA”

E tache la prossime setemane “CINEinCITTA”, la rassegne cinematografiche intes circoscrizions citadinis. Il program de edizion di chest an al previôt la proiezion di 12 films, par dut il mês di Lui e fin ai 17 di Avost intes areis verdis e intes placis dai cuartîrs de citât. I spetacui a son sore nuie e a tacaran il mês di Lui a nûf e mieze di sere (21.30) e a Avost a nûf di sere (21.00). A vierzi il program al sarà miercus ai 8 di Lui, inte arene di viâl Divisione Garibaldi Osoppo il film par fruts “Big hero 6”. Si larà indenant ai 20 di Lui intal parc di viâl Vat cun “Si alza il vento”. La manifestazion e larà indenant ai 5 di Avost cun “Minuscule – La valle delle formiche perdute” (vie Pirona), ai 17 di Avost cun “Paddington” (vie Mistruzzi) e cun tancj altris grancj sucès de ultime stagjon cinematografiche, tant che “Still Alice” (27 di Lui – viâl Vat), “La teoria del tutto” ( 13 di Lui– viâl Vat), “American sniper” (15 Lui – viâl Divisione Garibaldi Osoppo), “The imitation game” (22 di Lui – viâl Divisione Garibaldi Osoppo), “Grand Budapest Hotel” (29 di Lui – vie Pirona), “Latin lover” (3 di Avost– vie Mistruzzi), “Amore, cucina e curry” (10 di Avost – vie Mistruzzi) e “Big eyes” (12 di Avost – vie Pirona).