Al vie ai 7 di Lui “Miniscenza Lab”

A tornin ancje chest an “Miniscenza Lab”, i laboratoris sientifics par fruts dai 6 ai 11 agns, cjapâts dentri dal program di Ovunque (è) Estate Junior. Il prin apontament cu la sience e cui esperiments al è in program martars ai 7 di Lui a 17 in vie Pradamano 21. I apontaments a laran indevant, simpri in vie Pradamano, ai 21 di Lui a 17, intant che martars ai 4 e ai 8 di Avost l’ apontament al è a 17 in vie Piemonte 84 a Padier. I incuintris si sieraran joibe ai 27 di Avost e martars 1 di Setembar a 16 inte aree denant de bibliotecehe di vie delle Forze Armate. La partecipazion e je libare. Par partecipà si à di notâsi, clamant la Associazion Kaleidoscienza” al numar 328/0007201.