Al vie ai 7 di Lui “In Giro Giocando- Zuiant a torzeon”

Al tache la setemane che e ven, martars ai 7 di Lui, e al larà indenant fin a metât dal mês di Setembar “In Giro Giocando- Zuiant a torzeon”, il zîr dal Ludobus intes areis verdis, intai parcs e intes placis de citât. 37 a son i apontaments in program in ducj i cuartîrs de citât. Lis ativitâts a laran de animazion, ai zûcs, ai laboratoris. I prins apontaments a son in program ai 7 di Lui al parc Moretti, ai 8 di Lui inte aree verde Brun in viâl Vat, ai 9 di Lui al parc Ilaria Alpi in vie Melegnano e ai 10 di Lui inte aree verde Emilio Salgari in vie del Bon. Dutis lis ativitâts si davuelzaran di 17.30 a 19.30. In câs di brut timp i intervents si davuelzaran al cuviert inte ludoteche comunâl di vie del Sale. Il program dai apontaments al è disponibil sul sît www.comune.udine.it