In Lui e in Avost il program di “Ginnastica al parco”

Tai mês di Lui e di Avost il parc Moretti e i zardins dal Tors a proponin dutis lis setemanis “Ginnastica al parco”, un program di ativitât motorie promovût dal Comun in colaborazion cu la UISP di Udin e dedicât aes personis di ogni etât, dai fruts a chei plui indenant cui agns. Al parc Moretti l’apontament al è il lunis e il miercus di matine, di nûf e mieze a dîs e mieze (9.30 – 10.30), là che un insegnant UISP al vuidarà lezions di gjinastiche dolce par adults. Alì dai zardins dal Tors invezit il program al è viert ancje ai plui piçui. Achì lis lezions a son in program il martars e la joibe di sîs a siet sot sere (18.00 – 19.00). Par informazions si pues contatâ Martina de UISP al 328 6496388.