E rive vinars la Carovane internazionâl antimafie

Ancje Udin si prepare a dâi acet ae Carovane internazionâl antimafie. L’apontament al è vinars ai 4 di Setembar tor sîs e mieze sot sere (18.30) in vie Riccardo di Giusto. La tape udinese de Carovane, in plui di fevelâ di legalitât e solidarietât, e sarà dedicade in particolâr al teme des perifariis. La iniziative e je stade metude adun in gracie dal lavôr de Agjenzie Zovins dal Comun di Udin. Aes leturis a teme i vignarà daûr un aperitîf alì dal Punto Incontro Giovani di viâl Forze Armate cui prodots di “Libera Terra”.