E torne IdeAG Nordest inte ludoteche comunâl

E sarà la Ludoteche comunâl pal tierç an di file a dâi acet sabide ai 5 e domenie ai 6 di Setembar a IdeAG Nordest la adunance di inventôrs di zûcs des regjons dal Nord Est dal stât talian. Un event che al permetarà ai inventôrs di presentâ i zûcs e al public di provâju. Chest an a saran une vincjine i autôrs presints che a rivaran ancje di altris regjons dal stât talian. Pal event la Ludoteche di vie del Sale e sarà vierte al public sabide ai 5 e domenie 6 di Setembar a matine di dîs a une (10.00 – 13.00) e di dôs dopodimisdì a siet sot sere (14.00 – 19.00).