Vuê la scree di Friuli Doc

Al è dut pront pal vie de XXI edizion di Friûl Doc, la manifestazion enogastronomiche plui grande de regjon in program a tacà di vuê, joibe ai 10, a domenie ai 13 di Setembar. Protagonist de cerimonie di scree, in program vuê aes 17.30 in place Libertât, al sarà il gjornalist sportîf Bruno Pizzul. Ae cerimonie a saran presints ancje i parons di cjase, il sindic, Furio Honsell e l’assessôr comunâl pes Ativitâts Produtivis e Turistichis, Alessandro Venanzi, la presidente de Regjon, Debora Serracchiani, i assessôrs regjonâi Cristiano Shaurli, e Mariagrazia Santoro, l’assessôr provinciâl Leonardo Barberio, e il Prefet di Udin, Vittorio Zappalorto.