In vore il gnûf sportel pai servizis sociâi udinês

Al è stât viert al public vuê il SISSU, o sei il Sportel informatîf dai servizis sociâi udinês, in funzion alì dal centri polifunzionâl Micesio, cun jentradis su vie Micesio 31 e vie Superiôr 3. Si trate di un servizi unitari di sportel dulà che i operadôrs dal Comun a daran informazions ai citadins e aes fameis sui servizis di nature sociâl ufierts dal Comun stes, ma ancje di altris aministrazions publichis e dai sogjets principâi dal setôr privât che a partecipin aes rêts teritoriâls dal welfare. Il SISSU al acetarà ancje lis domandis di acès ai diviers beneficis sociâi e al varà une funzion di prime scolte par cui che al à bisugne dai servizis sociâi. Il sportel al è viert dal lunis al vinars cun orari 8.45 – 12.15 e il lunis dopodimisdì di 15.15 a 16.45.