Padier, prin cimitieri sostignibil de citât

Il cimitieri di Padier al sta par deventà il prin cimitieri autosuficient a nivel energjetic. Al è stât completât, di fat, il secont lot dal progjet che al a puartât ae realizazion des gnovis colomberis, une struture che podarà tignî dentri 120 muarts e 64 ossaris. Parsore de cuvierture de opare, cun di fat, e son stâts metûts dai panei solârs, come che al jere za sucedût tes colomberis ai Riçs, a Cussignà e tal prin lot a Padier. In chest secont lot a son stâts metûts ju 24 modui fats cun celis di silici policristallin par une produzion totâl di 5,76 kWp (kilowatt pic), che adun cun il prin lot di 11,50 kWp, a crearan un gjeneradôr di plui di 17 kWp, par un totâl stimât di 20000 kWh (kilowatt intune ore) intun an di esercizi, cuvierzint cussì il consum anuâl di su par ju 12000 kWh. Une cuantitât di energjie che a corispuint ae domande di une dozene di fameis o di 50 lampions stradâi.