Prime riunion dal grup “Udine 2024”

Si è dât adun îr, martars ai 22 di Setembar, “Udine 2024”, il grup di coordenament costituît dal Comun, de Cjamare di cumierç e de Universitât dal Friûl par meti adun lis categoriis economichis, i ents publics e la formazion pal svilup de citât e dal Friûl. Mobilitât, coordenament culturâl, sostenibilitât e cualitât urbane, inovazion e sostegn ae imprenditorie inovative e zovine. A son chestis lis prioritâts di “Udine 2024”. Al incuintri a jere presinte ancje la dirigjence di Friuli Innovazione che e varà la incarghe di studià lis strategjiis peadis ae imprenditorialitât. Intal incuintri di îr a son ancje stâts fissâts i timps dal progjet. Dentri di un pâr di mês i grups di lavôr a presentaran i prins risultâts.