Publicâts 2 bants dal progjet Pisus

A son stâts publicâts sul sît internet de aministrazion comunâl 2 bants dal progjet Pisus, il Plan integrât di Svilup Urban Sostignibil. Il prin bant al previôt l’afidament di une incarghe professionâl par strategjiis di marketing urban, promozion e svilup dal centri comerciâl naturâl e progjetazion e svilup di comunicazion. Il secont, invezit, si riferîs al afidament di une incarghe professionâl relative ae progjetazion di sistemis segnaletics e altris furniments de citât. Lis domandis a varan di sei presentadis dentri dai 2 di Otubar. L’ afidament al sarà in vore fin al mês di Otubar dal 2016. Ducj i doi i progjets a varan un contribût di 20 mil euros. Lis domandis a an di sei inviadis traviers la pueste eletroniche aes direzions: protocollo@pec.comune.udine.it e pisus@comune.udine.it o a podaran sedi consegnadis a man o cuntune letare al Comun , sportel protocol, vie Lionello 1, viert dal lunis al vinars di 8.45 a 12.15 e il lunis e la joibe di 15.15 a 16.45