Publicât il bant par 12 tirocinis paiâts in Comun

Al è stât publicât il bant che al met a disposizion 12 puescj di tirocini paiât, dentri dal Comun, pai students neolaureâts de Universitât dal Friûl. I tirocinis, che a tacaran ai 19 di Otubar 2015 e a laran indenant par 6 mês, fin ai 16 di Avrîl dal 2016, a saran paiâts cuntune indenitât di 600 euros al mês. I zovins a saran impleâts 36 oris a setemane. La aministrazion comunâl e à metût a disposizion un puest al servizi Infrastruturis e Planificazion teritoriâl, un al ufici Studis e statistiche, un al servizi Demografic decentrament e politichis di gjenar. A son invezit cuatri i puescj disponibii pai tirocinis ai Civics Museus, doi al ufici Servizis informatîfs e telematics, trê al servizi Jentradis e altris trê al servizi Oparis grandis energjie e ambient. Lis domandis a varan di sei presentadis dentri dai 2 di Otubar. A puedin partecipâ i zovins laureâts al ateneu furlan di no plui di dodis mês, in stât di disocupazion.