E jentre intal vîf la Fieste dal Pi Grêc

E jentre intal vîf la “Fieste dal Pi Grêc” inmaneade dal Comun par celebrâ la zornade internazionâl des siencis e de matematiche. Dopo des primis cercis di sabide stade, miercus ai 13 di Març in sale Ajace a son in program doi apontaments. A 4 dopodimisdì (16.00) si varà la conference titolade “Contâ facil” là che Dario De Toffoli, medaie di aur intal Pentamind alì des Olimpiadis dai sports dal cerviel dal 2012, al presentarà diviersis tecnichis di calcul mentâl. A 5 dopodimisdì (17.00) si zuiarà invezit a “Contiamo e Paroliamo” cun Dario Zaccariotto. La jentrade e je libare. Par informazions si pues telefonâ ae Ludoteche comunâl al 328 1003174.