Si è sierât il progjet SO.L.E.

Si è sierât îr, lunis ai 5 di Otubar, cu la consegne dai atestâts di partecipazion, il progjet SO.L.E. Solidarietât Lavôr Esperience inmaneât dal ambit Distretuâl 4.5 di Udin a pro di personis forestis cun l’obietîf di favorî integrazion e inclusion sociâl dai citadins migrants. Dutis lis ativitâts, previodudis dal program imigrazion regjonâl 2014, a son stadis fatis in graciis ae associazion “Obiettivo Famiglia Federcasalinghe”, in colaborazion cu la Casa del Consumatore, l’Ambit, il Comun di Udin e la associazion “Nuovi Cittadini”. Il cors al à cussì judât i partecipants a cognossi dirits e dovê di ogni citadin, come che a si fruis dai servizis, la maniere par vê acès al sisteme sociosanitari. A cjapâ l’atestât, diretamentri dal sindic Honsell, a son stadis 17 personis, soredut dispatriâts di Pakistan e Afghanistan.