Interazion artistiche sabide e domenie cui BridA

Inte suaze dal progjet “Storie in corso”, vinars ai 9 e sabide ai 10 di Otubar diviers lûcs di Udin a deventaran un laboratori là che ducj chei che a vuelin a podaran contribuî a di une azion coletive di piture. La iniziative, curade de associazion culturâl Etrarte, e permetarà di svilupâ imagjins astratis sul teme de prime vuere mondiâl che a divegnaran des interazions tra i artiscj e lis personis che a decidaran di partecipâ. A coordenâ cheste azion a saran i artiscj slovens BridA (Tom Kerševan, Sendi Mango e Jurij Pavlica) che dopo diviersis tapis ator pe Europe a puartin ancje a Udin la lôr plateforme Modux. Vinars i BridA a saran alì de scuele secondarie di prin grât Manzoni e alì dal istitût Sello”. Sabide di matine, di dîs e mieze a misdì e mieç (10.30 – 12.30), a saran alì dal marcjât di viâl Vât e tal dopodimisdì, di cuatri fin sîs (16.00 – 18.00), in place XX Settembre.